वडा ३ के कार्यालय भवन शिलान्यास

पहुरा समाचारदाता
धनगढी, २ चैत । धनगढी उपमहानगरपालिका वडा नम्बर ३ के वडा कार्यालय भवनके सोम्मार शिलान्यास करल बा ।

धनगढी उपमहानगरपालिकाके प्रमुख नृपवहादुर वड भवनके शिलान्यास करल हुइट । निर्माण हुइटी रहल वडा कार्यालय भवन एक वर्षभिटर निर्माण सम्पन्न हुइना करके ठेक्का सम्झौता करल बा । नगरप्रमुख वड १९ ठो वडा कार्यालय मन्से अधिकांस वडाके भवन निर्माण सम्पन्न हुइसेकल बटैलै । बाँकी वडाके वडा कार्यालय भवनफे निर्माण कार्य अपने कार्यकालभिटरे सम्पन्न कैना नगरप्रमुख वड बटैलै ।

वडा कार्यालय व्यवस्थित नइहुइटसम वडा तहके कार्य सम्पादन व्यवस्थित हुई नइसेकी नगरप्रमुख वड कहलै, टबमारे पूर्वाधार निर्माण प्राथमिकतामे पारल हुई । वडा कार्यालय निर्माणहे उपमहानगरपालिकासे प्राथमिकतामे राखल नगरप्रमुख वड बटैलै ।

‘कार्यालय व्यवस्थित नइहुइलेसे भर उहाँ उहाँसे सम्पादन हुइना काम प्रभावकारी हुई नएसेकी,’ उहाँ कहलै, ‘टबमारेफे हम्रे वडा कार्यालयके अपने भवन निर्माण कैना सुरु करल हुई ।’ धनगढी उपमहानगरपालिका वडा नं ३ के वडा अध्यक्ष बलबहादुर ऐर वडा कार्यालयके निर्माण कार्य कैसिन हुइटी रहल बा ओकर निगरानी कैना स्थानीयसंग अनुरोध करलै । उहाँ कहलै, ‘यी वडाबासीके सम्पति हो निर्माण कार्य मजासे सम्पन्न हुई परी ।’ उहाँ वडा कार्यालय समयमे सम्पन्न हुइना बटैलै ।