सिर्जना बस्ती अम्खोहियाके भल्मन्सामे कालीप्रसाद

पहुरा समाचारदाता
पहलमानपुर, ५ चैत । घोडाघोडी नगरपालिका वडा नम्बर १० सिर्जना बस्ती अम्खोहियामे बुधके रोज भुरा खेल हुइल बा । भुरा खेलमे कालीप्रसाद चौधरीहे भल्मन्सा चुनल बा ।

भुराखेलसे गाउँके अध्यक्षमे मायाराम चौधरी चयन हुइल बाटैं कलेसे सचिवमे गीता चौधरी चयन हुइल बाटी । अस्टेके कोषाध्यक्षमे राजदेवी चौधरी ओ सहसचिवमे राजकुमार चौधरी चयन हुइल बाटैं कलेसे सदस्यमे रामऔतार चौधरी, कलापति चौधरी, प्रेमबहादुर चौधरी, सुनम चौधरी, रघुराज चौधरी चयन हुइल बाटै कलेसे सल्लाहकारमे बाबुराम चौधरी चयन हुइल बाटैं ।

६६ ठो घरधुरी रहल यी गाउँमे विजुली बत्ती नैहुके स्थानीयवासी समस्यामे रहल गुनासो करले बाटैं । ओइने सरोकारवाल निकाय, स्थानीय सरकार, समाजसेवी, बुद्धिजीवीहे विजुली व्यवस्थापनके लाग आग्रह करले बाटैं ।