मेयर, उप–मेयर कप फुटवल प्रतियोगिताके तयारी पुरा
पहुरा समाचारदाता
घनगढी, ९ फागुन । धनगढी उप–महानगरपालिके नगर खेलकुद समितिसे आयोजना कैना मेयर, उप मेयर कप पुरुष तथा महिला वडा स्तरीय फुटवल प्रतियोगिताके सक्कु तयारी पुरा हुइल बा ।
नगर खेलकुद समितिसे सोम्मार पत्रकार सम्मेलन मार्फत प्रतियोगिताके बारेमे जानकारी डेहल हो । चैत १० गते दुपहर १ बजे प्रतियोगिताके उद्घाटन कैना नगर खेलकुद समितिके संयोजक दिपक कुमार थापा क्षेत्री जानकारी डेलै । खेलकुलके सक्कु तयारी पुरा हुसेकल बा, संयोजक थापा कहलै, उहे बिषयमे जानकारी डेना पत्रकार सम्मेलनके आयोजना करल हुई । फुटवल प्रतियोगिताके व्यवस्थापन न्यू बुद्ध स्पोर्ट यूवा क्लवसे कैना जानकारीफे थापा डेलै ।
संयोजक थापा प्रतियोगितामे प्रथम महिला ÷ पुरुष टिमहे ः १ लाख १० हजार नगद पुरस्कारके साथे मेडल ट्रफि ओ प्रमाणपत्र, दुसरा हुइल टिम ५१ हजार नगद मेडल ट्रफि ओ प्रमाणपत्र पैना जानकारी डेलै । ओस्टेक करके सर्वोत्कृष्ठ खेलाडीहे ५ हजार ५ सय नगद मेडल ट्रफि ओ प्रमाणपत्र, उत्कृष्ठ गोलकिपरसे ५ हजार ५ सय नगद मेडल ट्रफि ओ प्रमाणपत्र, उत्कृष्ठ डिफेन्सरसे ५ हजार ५ सय नगद मेडल ट्रफि ओ प्रमाणपत्र, सर्वाधिक गोलकर्तासेफे ५ हजार ५ सय नगद मेडल ट्रफि ओ प्रमाणपत्र प्राप्त कैना संयोजक थापासे बटैलै ।
धनगढी उप–महानगरपालिकाके प्रमुख प्रशासकीय अधिकृत हरिबहादुर चन्द खेलकुदके विकास ओ प्रवद्र्धनके लाग फुटवल प्रतियोगिताके आयोजना करल बटैलै । धनगढी उप–महानगरपालिकासे एक वडा एक खेल मैदानके नीति अवलम्वन करले बा प्रमुख प्रशासकीय अधिकृत चन्द कहलै, ‘ मैदान प्राप्त हुइल वडामे पूर्वाधार निर्माणके कामफे हुइटी रहल बा ।’ अब्बे मेयर, उपमेयर प्याब्सन कप क्रिकेट प्रतियोगिता चलल बा प्रमुख प्रशासकीय अधिकृत चन्द कहलै, ‘ खेलकुद पत्रकार मञ्च, और टमान संस्थासंग साझेदारी करके खेलकुद प्रतियोगिताके आयोजना हुइटी रहल बा ।’
