मेयर/उपमेयर कप फुटवल प्रतियोगिता सुरु
पहुरा समाचारदाता
घनगढी, १० फागुन । धनगढी उपमहानगरपालिका नगर खेलकुद समितिके आयोजनामे मंगरसे मनकामना यूवा क्लवके खेलमैदान जुगेडामे मेयर, उपमेयर कप पुरुष तथा महिला वडा स्तरीय फुटवल प्रतियोगिता सुरु हुइल बा ।
प्रतियोगिताके धनगढी उपमहानगरपालिकाके नगर उपप्रमुख सुशीला मिश्र भट्ट उद्घाटन करल हुइट । उद्घाटन कार्यक्रममे बोल्टी उपप्रमुख भट्ट खेलकुलके प्रवर्दनके लाग मेयर, उपमेयर कप पुरुष तथा महिला वडा स्तरीय फुटवल प्रतियोगिता धारल बटैली ।
पहिल मेयर कप फुटवल प्रतियोगिता आयोजना करटी आइल रहे, उपप्रमुख भट्ट कहली्, ‘यी बार पटक मेयर, उप मेयर कप पुरुष तथा महिला वडा स्तरीय फुटवल प्रतियोगिता सुरु करले रही । उहाँ कहली,‘महिला ओ पुरुषके खेलकुदमे क्षेत्रमे सम विकास करेक लाग प्रतियोगितासे सहयोग पुग्न आशा रख्ले बटी ।’
नगर खेलकुद समितिके संयोजक दीपककुमार थापा क्षेत्री अइना बर्षमेफे प्रतियोगिताहे निरन्तरता डेना बटैलै । धनगढी खेलकुलके हवके रुपमे विकास हुइटी रहल बटैटी संयोजक थापा कहलै, यैसिन प्रतियोगितासे खेलाडी जन्मैना करठ ।’ धनगढी उपमहानगरपालिका वडा नम्बर १२ के अध्यक्ष गणेशप्रसाद जोशी वडा स्तरीय मेयर, उपमेयर कप पुरुष तथा महिला फुटवल प्रतियोगिताहे निरन्तरता डेटी लैजाई पर्ना बटैलै ।
प्रतियोगितामे प्रथम महिला/पुरुष टिमहे १ लाख १० हजार नगद पुरस्कारके साथे मेडल ट्रफि ओ प्रमाणपत्र, दुसर हुइना टिमसे ५१ हजार नगद मेडल ट्रफि ओ प्रमाणपत्र पैना जानकारी डेहल बा । ओस्टेक करके सर्वोत्कृष्ठ खेलाडीहे ५ हजार ५ सय नगद मेडल ट्रफि ओ प्रमाणपत्र, उत्कृष्ठ गोलकिपरसे ५ हजार ५ सय नगद मेडल ट्रफि ओ प्रमाणपत्र, उत्कृष्ठ डिफेन्सरसे ५ हजार ५ सय नगद मेडल ट्रफि ओ प्रमाणपत्र, सर्वाधिक गोलकर्तासे फे ५ हजार ५ सय नगद मेडल ट्रफि ओ प्रमाणपत्र प्राप्त कैना हुूइल बटै ।
फुटवल प्रतियोगिताके व्यवस्थापन न्यू बुद्ध स्पोर्ट यूवा क्लव, कनकामना यूवा क्लव, नमोबुद्ध यूवा क्लव ओ कैलाली जिल्ला फुटवल संघ करले बा ।
