होलीमे अन्नु ओ गणेशके ‘रंग अबिर मिला मिला’

पहुरा समाचारदाता
धनगढी, १२ चैत । ढुरहेरीहे लक्षित कैके चर्चित गायिका अन्नु चौधरी ओ गणेश चौधरीके स्वर रहल ‘र· अबिर मिला मिला’ बोलके निर्माण हुइल म्युजिक भिडियो सांगीतिक बजारमे आइल बा ।

शब्द संगीत गायक गणेश चौधरीके रहल बा । म्युजिक भिडियोके प्रोड्यूसरमे लोकेन्द्र राज चौधरी रहल बाटै । भिडियोमे रजनीश चौधरी, अन्दिशा चौधरीके मुख्य अभिनय रहल बा । डाइरेक्सन ओ कोरियोग्राफी रजनीश स्वयं करले बाटै । कलेसे असिस्टेन्ट कोरियोग्राफरके रुपमे रिकेश चौधरी रहल बाटै । क्यामेरामे श्रवण केआर चौधरी रहल बाटै कलेसे मेकअप सुमिता चौधरीके रहल बा ।

म्युजिक भिडियो बजारमे आइलसंगे इ बेरके ढुरहेरीहे धुम मच्चैना आंकलन दर्शक श्रोताहुक्रे करले बाटै । गीत ओ भिडियोके दर्शक श्रोताहुक्रे खुलके तारिफ करले बाटै । रमेश चौधरी लिख्ले बाटै्, ‘वन अफ दी बेष्ट संग इन डिस इयर २०२१’ । साथे दर्शकहुक्रे अब्बेसमके दमदार भिडियो रहल ओ अगामी दिनमे फेन इ मेरके भिडियो अइनाके आश करले बाटै ।

म्युजिक भिडियो सेबिल इन्टरटेनमेन्ट यूट्यूब च्यानलसे सार्वजनिक हुइल बा ।