शिक्षकहे संक्रमण विल्गलपाछे विद्यालय बन्द
कञ्चनपुर, ६ बैशाख । कञ्चनपुरके महेन्द्रनगरमे अँटवार एक शिक्षकहे कोरोना संत्रलमण विल्गलपाछे विद्यालय बन्द करल बा । यहाँस्थित भृकुटी माध्यमिक विद्यालयके निमित्त प्रधानाध्यापक वीरेन्द्रप्रसाद भट्टहे कोरोना संक्रमण विल्गलपाछे दुसर सूचना जारी नइहुइटसमके लाग विद्यालय बन्द करल हो ।
स्वास्थ्य समस्या विल्गलपाछे कोरोना परीक्षण करल शिक्षक भट्टसंगे उहाँके गोसिनीयाहफे संक्रमण पुष्टि हुइल बा । संक्रमण पुष्टि हुइलपाछे शिक्षक भट्ट अपन सम्र्पकमे रहल और शिक्षक तथा विद्यार्थीसमेतहे परीक्षणके लाग आग्रह करले बटै ।
विद्यालयके और १६ शिक्षकके एन्टिजेन परीक्षण कराईबेर सक्कुहुनके नेगेटिभ आइल विद्यालय जनैले बा । ओस्टेक करके कञ्चनपुरमे अँटवार भीमदत्तनगरपालिका–९, ब्रह्मदेवके नौ व्यापारीमे कोरोना संक्रमण विल्गल बा । स्वास्थ्य कार्यालयके प्रमुख शिवराज सुनार भारतसे गडडाचौकी हुइटी स्वदेश लौटटी रहल एक ओ ब्रह्मदेवमे नौ करके दशमे कोरोना संक्रमण विल्गल बटैलै ।
भारतमे पूर्णागिरी मेला शुरु हुइलसंगे सीमावर्ती नेपाली ब्रह्मदेव बजारमे चहलपहल शुरु हुइल रहे । कुछ दिनआछेफे ब्रह्मदेवमे छ जनहनमे कोरोना संक्रमण विल्गल स्वास्थ्य कार्यालय जनैले बा ।
