चरेशसहित होटल संचालक पक्राउ

पहुरा समाचारदाता
धनगढी, १० बैशाख । कैलाली धनगढी उपमहानगरपालिका वडा नम्बर ३ बोराडा“डी स्थित प्रगति होटलके संचालक लागु औषध चरेश सहित पक्राउ परल बटै ।

चरेशके कारोबार हुइटी रहल कना सूचनाके आधारमे जिल्ला प्रहरी कार्यालय कैलालीसे खटल प्रहरी टोली नास्ता पसलमे खान तलासी करेबेर होटल संचालक जिल्ला बाजुरा बुढिनन्दा नगरपालिका वडा नम्बर ९ बैठना वर्ष ३२ के चक्रबहादुर रोकायाहे पक्राउ करल प्रहरी प्रवक्ता प्रहरी नायव उपरीक्षक भरतबहादुर चौधरी जनैलै ।

होटलभिटर झोलामे नुका छिपाके धारल अवस्थामे १ किलो लागु औषध चरेश फेला पारके होटल संचालक चक्रबहादुर रोकायाहे पक्राउ करके ठप अनुसन्धान हुइटी रहल प्रवक्ता जनैलै ।