रानाथारू कलाकार समाज गठन

पहुरा समाचारदाता
धनगढी, ११ बैशाख । श्यामकुमार रानाके अध्यक्षतामे शनिच्चरके रोज रानाथारू कलाकार समाज गठन करगिल बा ।

राना कला संस्कृति संरक्षण तथा विकास मञ्चके आयोजनामे धनगढीमे हुइल कार्यक्रम अध्यक्ष नारायन रानाके अध्यक्षतामे उ समिति गठन हुइल हो । समितिके उपाध्यक्षमे श्रीशा राना, सचिवमे रामप्रसाद राना, कोषाध्यक्षमे संजयदत्त राना रहल बाटै ।

ओस्टके सदस्यमे क्रमशः विवेक राना, पार्वती राना, सम्झना राना, सरस्वती राना, दशरथ राना, कुठारी राना, राजेन्द्र राना रहल बाटै ।

कार्यक्रममे कैलाली ओ कञ्चनपुरके ६० जाने कलाकारहुक्रनके उपस्थिति रहल रहे । उहे कार्यक्रमसे रानाथारू कलाकार एकजुट होके काम कैना प्रतिबद्धता जनाइल रहिट ।