चितुवाके आक्रमणसे एकजाने घाहिल

पहुरा समाचारदाता
हसुलिया, १३ बैशाख । कैलालीके कैलारी गाउँपालिका–५ पवेरा गाउँमे सोम्मारके सक्करही चितुवा फेला परल बा । जनकल्याण माध्यमिक विद्यालय लग्गे कुलुवामे चितुवा फेला परल हो ।

चितुवा हेरुइया मनैनके भिड लागल बैजपुरके प्रविन बौखाही जानकारी डेलै । चितुवाके आक्रमणसे पवेराके धनीराम कठरिया घाहिल हुइल फेन उहाँ जानकारी डेलै ।

चितुवा बसन्ता वन क्षेत्र अथवा भारतीय डुधुवा नेशनलपार्कसे आइल हुइ सेक्ना स्थानीय बटैले बाटै । चितुवा रहल ठाउँमे प्रहरी पुगल बा । साथे डिभिजन वन कार्यालयके प्रतिनीधी समेत पुगल जनाइल बा ।