गायक प्रेमध्वज प्रधानके निधन
काठमाडौं, २३ वैशाख । वरिष्ठ गायक एवं संगीतकार प्रेमध्वज प्रधानके निधन हुइल बा । उहाँक बिफे सुन्धारास्थित काठमाडौं न्यूरो एन्ड जनरल अस्पतालमे निधन हुइल हो ।
छातीमे समस्या डेखाइलपाछे कुछ दिन आघे उहाँहे अस्पतालमे भर्ना करल रहे । ८४ वर्षिय प्रधानके उपचारके क्रममे निधन हुइल संगीतकार संघके पूर्वअध्यक्ष लक्ष्मण शेष जानकारी डेलैं ।
प्रेमध्वजके जन्म १९९४ सालमे सिन्धुपाल्चोकके चौतारामे हुइल रहे । उहाँहे नेपाली सांगीतिक क्षेत्रमे ‘गोल्डेन भ्वाइस’ उपनामसे फेन चिन्हजाइठ ।
सन् १९६५ मे प्रेमध्वज उषा मंगेश्करसँग नेपाली चलचित्र ‘माइतीघर’मे गीत गैले रहैं । अस्टेक उहाँ आशा भोस्लेसँग ‘मायालु इन बम्बे’ नामक चलचित्रमे फेन स्वर डेले बाटैं ।
सन् १९५२ मे प्रेमध्वज १६ वर्षके उमेरमे ‘याद कसैको आइरहन्छ यो अन्धेरी रातमा’ बोलके गीत रेकर्ड करैले रहैं ।
प्रधानके ‘यो नेपाली शिर उचाली, पर लैजाऊ फूलहरु, घुम्तीमा नआऊ है, गोरेटो त्यो गाउँको, तिमीलाई अचेल कहाँ भेटौं’लगायतके दर्जनौं गीत चर्चित बा ।
