धनगढी उपमहानगरपालिका स्वाव संकलन रोकल

धनगढी, २४ वैशाख । कैलालीके धनगढी उपमहानगरपालिका स्वाव संकलन कार्य रोकले बा । सेती प्रादेशीक अस्पतालमे रहल पीसीआर परीक्षण प्रयोगशालाके क्षमतासे ढेर कोरोना परीक्षण स्वाव संकलन हुइल कटि स्वाव संकलन कार्य आजसे रोकल हो ।

नगरप्रमुख नृपबहादुर वड शनिच्चर, अँट्वार ओ सोम्मार करके ३ दिनके लाग स्वाब संकलन कार्य रोकल बटैले बाटैं ।

उपमहानगरपालिकासँग स्वाब परीक्षण ल्याब नैरहल कटि उहाँ नगरवासीके सहजताके लाग निःशुल्क स्वाब संकलन करटी आइल बटैलैं । यहाँ दैनिक १५० से ३५० जहनके नमुना संकलन हुइटी आइल बा । धनगढीके किल नाइहुके टमान स्थानीय तहसे फेन स्वाब परीक्षणके लाग यहाँ स्वाब संकलन हुइटी आइल रहे ।

संकलित स्वाबके नतिजा ४/५ दिनपाछे किल अइना गुनासो बह्रल रहे ।