सुदूरपश्चिमके नवनियुक्त प्रदेश प्रमुखसे पदभार ग्रहण
धनगढी, २४ वैशाख । सुदूरपश्चिमके नवनियुक्त प्रदेश प्रमुख गंगाप्रसाद यादव पदभार ग्रहण करले बाटैं । बिफेक रात गृह जिल्ला सप्तरीसे धनगढी आपुगल यादव आज पदभार ग्रहण करल प्रदेश प्रमुखके कार्यालय जनैले बा ।
प्रदेश प्रमुखके कार्यालयके उपसचिव पुष्कर खड्का यादवहे आज (शुकके) कार्यालयमे पुगके पदभार ग्रहण करल जानकारी डेलैं ।
पदभार ग्रहण करटी उहाँ नेपालके प्रचलित कानून ओ संविधान बमोजिम काम करना प्रतिबद्ध रहल बटैले बाटैं । पदभार ग्रहण कार्यक्रममे प्रदेश प्रमुखके कार्यालयके सचिव ओमबहादुर खड्का लगायतके कर्मचारी सहभागी रहैं ।
खड्का मुख्यमन्त्री त्रिलोचन भट्टहे मातृशोक परल कारण डोटीमे रहल ओरसे प्रदेश सरकारके पदाधिकारी पदभार कार्यक्रममे सहभागी हुइ नैसेककल बटैलैं ।
मन्त्रिपरिषद्के सिफारिसमे राष्ट्रपति विद्यादेवी भण्डारी गैल वैशाख २० गते तत्कालीन प्रदेश प्रमुख शर्मिलाकुमारी पन्तहे हटाके यादवहे प्रदेश प्रमुखमे नियुक्त करले रहि ।
