सुदूरपश्चिम सरकारसे अक्सिजन प्लान्ट स्थापनाके लाग जिल्लाहे रकम उपलब्ध

धनगढी, २४ वैशाख । अक्सिजन प्लान्ट स्थापना करके सञ्चालनमे नानेक लाग सुदूरपश्चिम प्रदेश सरकार जिल्ला अस्पतालहे रकम उपलब्ध करैले बा ।

८० लाख रूपैयाँके दरसे जिल्ला अस्पतालहे रकम उपलब्ध करासेकल प्रदेश सरकार जनैले बा । प्रदेशभित्तरके ६ ठो जिल्ला अस्पतालमे अक्सिजन प्लान्ट स्थापना करेक लाग ८० लाखके दरसे रकम उपलब्ध कराइल हो ।

प्रदेशके सामाजिक विकास मन्त्रालयसे उ रकम जिल्ला अस्पताल पठाइल जानकारी डेले बा । प्रदेशके सामाजिक विकास मन्त्री कृष्णराज सुवेदी कुछ अस्पताल अक्सिजन उत्पादन करना मेसिन खरिदके प्रक्रियासमेत सुरू करसेकल बटैलैं ।

सुदूरपश्चिममे अब्बे दैनिक पाँच सय ठो अक्सिजन भरल सिलिन्डर आवश्यक परल बा । मने प्रदेशमे तीन सय सिलिन्डर किल अक्सिजन उपलब्ध बा ।