एक्के दिन ९ हजार २३ जानेमे कोरोना पुष्टि, ५० के मृत्यु

काठमाडौं, २४ वैशाख । पाछेक २४ घण्टामे नेपालमे ९ हजार २३ जाने कोरोना संक्रमित थपल बाटैं । स्वास्थ्य तथा जनसंख्या मन्त्रालयके अनुसार देशके टमान प्रयोगशालामे करल १९ हजार ९८७ परीक्षणसे आज ९ हजार २३ जाने संक्रमित फेला परल हुइट । यीसँगे नेपालमे कोरोना संक्रमितके संख्या ३ लाख ७७ हजार ६०३ पुगल बा ।

अस्टेक गिल २४ घण्टामे २ हजार ९०५ जाने डिस्चार्ज हुइल बाटैं । यीसँगे कोरोनामुक्त हुइनाके संख्या २ लाख ९५ हजार ३९५ पुगल बा ।

ओहे अवधिमे कोरोनासे ५० जानेक मृत्यु हुइल मन्त्रालयके तथ्यांक बा । यीसँगे कोरोनासे ज्यान गुमाइलके संख्या ३ हजार ५७९ पुगल बा । सक्रिय संक्रमित ७८ हजार ६२९ बाटैं कलेसे क्वारेन्टाइनमे ३८० जाने बाटैं ।