कामीरिता शेर्पा २५ औं चो सगरमाथा चुचुरोमे

काठमाडौं, २४ वैशाख । नेपाली आरोही कामीरिता शेर्पा आज (शुकके रोज) साँझ २५ औं चो सगरमाथा चुचुरोमे पाइला ढरले बाटैं ।

काठमाडौंस्थित सेभन समिट ट्रेक्सके अनुसार, उहाँ यी सिजनके लाग डोरीके सहायतासे डगर बनैना टोलीके नेतृत्व करटी साँझ ६ बजे चुचुरोमे पुगल हुइट । उहाँसहित १२ जाने शेर्पा बिफे साँझ ६ बजे चौथो शिविरसे नेंगल रहिट ।

कम्पनीके अनुसार कामीरितासहितके टोलीमे ६ जाने संखुवासभाका ओ ६ जाने सोलुखुम्बुका शेर्पा आरोही बाटैं । उहाँहुक्रे तीन दिनआघे मंगरके आधार शिविरसे नेंगल रहिट ।

सेभन समिट यी टोली आज चौथो शिविरमे लौटना जनैले बा । यी सिजनमे सगरमाथा आरोहणके लाग किल पर्यटन विभागसे ४४ ठो आरोहण दलहे अनुमति डेले बा । जेम्ने ९२ महिला ओ ३ सय १५ पुरुष बाटैं ।