गैल २४ घण्टामे ८ हजार ७ सय ७७ जहनमे कोरोना पुष्टि

काठमाडौं, २६ वैशाख । गैल २४ घण्टामे १८ हजार ७ सय ८७ पीसीआर परीक्षणमे नेपालमे ८ हजार ७ सय ७७ जहनमे कोरोना संक्रमण पुष्टि हुइल बा ।

स्वास्थ तथा जनसंख्या मन्त्रालयके अनुसार पाछेक २४ घन्टामे ४ हजार २२ जाने कोरोमुक्त हुइल बाटै कलेसे ५२ जहनके कोरोना संक्रमणसे मृत्यु हुइल बा ।

यी सँगे नेपालमे कोरोना संक्रमितके संख्या ३ लाख ९४ हजार ६६७ पुगल बा । हस्टेक कोरोनासे मृत्यु हुइनाके संख्या ३ हजार ७२० ओ कोरोना मुक्त हुइनाके संख्या ३ लाख २ हजार ७ सय ८७ पुगल बा ।

नेपालमे सक्रिय संक्रमितके संख्या ८८ हजार १ सय ६० रहल बा ।

अस्टेक काठमाडौं उपत्यकामे ४ हजार १ सय ९८ संक्रमित थपल बाटैं । जोनमध्ये काठमाडौंमे ३ हजार १ सय ६१, भक्तपुरमे ५ सय ४ ओ ललितपुरमे ५ सय ३३ जहनमे संक्रमण पुष्टि हुइल हो ।