कैलालीमे थप २७६ मे कोरोना पुष्टि
धनगढी, २७, वैशाख । सेती प्रादेशिक अस्पतालके प्रयोगशालामे करल परीक्षणमा थप २९६ जहनमे कोरोना भाइरसके संक्रमण पुष्टि हुइल बा । गैल २४ घण्टामे सेती प्रादेशिक अस्पतालके प्रयोगशालामे ५६४ नमुना परीक्षण करेबेर २९६ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।
उहाँक अनुसार धनगढीके १७० जाने ओ धनगढी बाहेक कैलालीके १०६ जाने ओ अन्य जिल्लाके २० जहनमे कोरोना संक्रमण पुष्टि हुइल सूचना अधिकारी श्रेष्ठ बटैलैं ।
हाल अस्पतालमे ५९ जाने कोरोना संक्रमितके उपचार हुइटीरहल सूचना अधिकारी श्रेष्ठ बटैलैं । जोनमध्ये ५ जाने भेन्टिलेटर, १३ जाने आइसियू, ३६ जाने अक्सिजन सपोर्टमे उपचाररत बाटैं ।
पाछेक २४ घण्टामे सेती अस्पतालसे ५ जाने कोरोनामुक्त हुके घर लौटल बाटै कलेसे थप १५ जाने अस्पताल भर्ना हुइल बाटैं । अस्टेक गैल २४ घण्टामे ६ जहनके उपचारके क्रममे मृत्यु हुइल अस्पताल जनैले बा ।
