राष्ट्रपतिसे नर्सके उच्च प्रशंसा

काठमाडौं, २९ वैशाख । राष्ट्रपति विद्यादेवी भण्डारी कोभिड–१९ विरुद्धके लराइँमे अग्रभागमे रहिके संक्रमितके हेरचाहमे खटल नर्सके उच्च प्रशंसा करले बाटी ।

आज ट्वीट करटी अन्तर्राष्ट्रिय नर्स दिवस तथा २०१ औँ फ्लोरेन्स नाइटिड्डेल जयन्तीके अवसरमे शुभकामना डेटी उहाँ नर्सके उच्च प्रशंसा व्यक्त करल हुइट ।

‘विश्वव्यापी महामारी कोभिड–१९ विरुद्धके लराइँमे अग्रभागमे रहिके संक्रमितके हेरचाहमे अहोरात्र खटल सक्कु नर्सहुकनके त्याग, समर्पण ओ लगनशीलताके उच्च प्रशंसा करटी अन्तर्राष्ट्रिय नर्स दिवस तथा २०१ औँ फ्लोरेन्स नाइटिड्डेल जयन्तीके अवसरमे हार्दिक शुभकामना व्यक्त करटु,’ राष्ट्रपति कली ।

आज नेपालसहित विश्वभर ‘नर्सः नेतृत्वके लाग आवाज, भविष्यके स्वास्थ्य सेवाके लाग एक दृष्टि’ कना नाराके साथ अन्तर्राष्ट्रिय नर्स दिवस मनाजाइठ ।