अक्सिजन कन्सन्ट्रेटर खरिद करेक लाग सहकारीसे १० लाख सहयोग
धनगढी,२ जेठ । सुदूरपश्चिममे अक्सिजनके अभावमे कोरोना संक्रमितके मृत्यु बह्रटी गैलपाछे रोटरी क्लब धनगढीसे शुरु करल अक्सिजन कन्सन्ट्रेटर खरिद अभियानमे नवजीवन सहकारी संस्था धनगढी आर्थिक सहयोग करले बा । संस्था रोटरी क्लबसे सुरु करल अभियानमे १० लाख आर्थिक सहयोग करल हो ।
संस्थाके अध्यक्ष चक्रबहादुर सिंह कोरोना संक्रमितके जीवनरक्षाके लाग आर्थिक सहयोग करल बटैलैं । कोरोनाके गम्भीर प्रकृतिके बिरामीके जीवनरक्षाके लाग प्रतिघण्टा १० लिटर अक्सिजन प्रदान करना, एक सय थान अक्सिजन कन्सन्ट्रेटर खरिद करके अस्पतालहे वितरण करना क्लब निर्णय करले बा ।
ओहे अभियानके लाग क्लबहे एक करोड ३० लाख रकम आवश्यक परल ओरसे सबहे सहयोग करना अध्यक्ष तोयराज भट्ट आग्रह करलअनुसार सहकारी रकम उपलब्ध कराइल हो ।
क्लबसे सहयोग रकम रोटरी क्लब अफ धनगढीके एभरेष्ट बैंक लिमिटेड धनगढी शाखामे रहल खाता नम्बर ०११००५०१२२५२३९ मे जम्मा करना आग्रह करले बा । सम्पर्कके लाग ९८५८४२०२२४, ९८४१६३३०००, ९८५८४२०१६३ ओ ८५८४२२४२७ मे फोन करे सेक्ना संस्था जनैले बा ।
