सगरमाथाके २६ औं आरोहण रद्द करके लौटलैं कामीरिता

काठमाडौं, ११ जेठ । अप्ने कीर्तिमान टुरके हाले २५ औं चो सगरमाथाके चुचुरोमे पाइला ढरके विश्व कीर्तिमान कायम करके २६ औं चोके लाग आरोहणके लाग आधारशिविर पुगल कामीरिता शेर्पा आज काठमाडौं लौटल बाटैं । उहाँहे काठमाडौं विमानस्थलमे परिवारसे स्वागत करले बा । स्वागतके लाग गोसिनिया, छावा लगायत उपस्थित रहे ।

कामीरिता वैशाख २४ गते आरोहीके लाग डगर बनैटी चुचुरोमे पुगल रहे । उ उहाँक २५ औं चोके सगरमाथा आरोहण रहे । एक्के सिजनमे दुईचो सगरमाथा आरोहण करना तयारीमे रहल उहाँ काठमाडौं तीनचुलीमे रहल अपन परिवारके अनुरोधमे २६ औं चोके लाग तय करल आरोहण रद्द करल हुइट । यीआघे कामीरिता सन् २००९, २०१०, २०१३ ओ २०१९ के वसन्तकालीन सगरमाथा आरोहण सिजनमे दोहो¥याके सगरमाथा आरोहण करले रहैं ।