४ हजार १७८ मे कोरोना संक्रमण पुष्टि, ११४ के मृत्यु
पहुरा |
१७ जेष्ठ २०७८, सोमबार
काठमाडौं, १७ जेठ । २४ घण्टामे देशभर ४ हजार १७८ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयसे सोम्मार डेहल जानकारी अनुसार टमान जिल्लामे करल १५ हजार ५५ पीसीआर परीक्षणमे ४ हजार १७८ जहनमे कोरोना पुष्टि हुइल हो । यीसँगे नेपालमे कोरोना संक्रमितके संख्या ५ लाख ६१ हजार ३०२ पुगल बा ।
अस्टेक, २४ घण्टामे ६ हजार ४९१ जाने कोरोना संक्रमणमुक्त हुइल बाटैं । यीसँगे कोरोना संक्रमण हुके चोखुइयाके संख्या ४ लाख ४७ हजार ४४६ पुगल बा ।
नेपालमे सक्रिय संक्रमितके संख्या १ लाख ६ हजार ४७० पुगल बा । क्वारेन्टाइनमे ६८९ जाने बाटैं ।
स्वास्थ्य तथा जनसंख्या मन्त्रालयसे डेहल जानकारी अनुसार देशभर करके थप ११४ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ७ हजार ३८६ पुगल बा ।
