दशक लम्मा सिरियाली गृहयुद्धमे झन्डे ५ लाख मनै मर्नैः रिपोर्ट
काठमाडौं, १८ जेठ । सिरियामा जारी गृहयुद्धके कारण एक दशकमे ५ लाख नागरिक मरल पागिल बा । बेलायतस्थित सिरियन अब्जर्भेटरी फर ह्युमन राइटसे मंगरके रोज तथ्यांक सार्वजनिक करटी सन् २०११ से हुइल सरकारविरोधी प्रदर्शनके क्रममे ४ लाख ९४ हजार ४ सय ३८ जाने ज्यान गुमाइल जनाइल बा ।
यीआघे यी वर्षके मार्चमे निकारल प्रतिवेदनमे ३ लाख ८८ हजारके मृत्यु हुइल उल्लेख रहे । पुनःतथ्यांक केराइबेर थप १ लाख ५ हजार १५ जाने थपल प्रतिवेदनमे उल्लेख बा ।
सन् २०१२ के अन्त्यसे २०१५ के नोभेम्बरसम धेरके ज्यान गैल अब्जर्भेटरीके प्रमुख रमी अब्देल रहमान एएफपीहे बटैले बा । पाछेक समयमे मृत्यु पुष्टि हुइलमध्ये ४२ हजारसे ढेर सिरियाली नागरिक रहल बाटैं । अधिकांस जेलमे डेना यातनाके कारण ज्यान गुमाइल अब्जर्भेटरी जनैले बा ।
सिरियाली सरकारके आक्रमणमे परके १ लाख ५९ हजार ७ सय ७४ जाने नागरिकहुकनके ज्यान गैल प्रतिवेदनमे उल्लेख बा । सिरियाली द्वन्द्वमे ६८ हजार ३ सय ९३ जाने जियादीहुक्रे फेन ज्यान गुमाइल प्रतिवेदनमे उल्लेख बा ।
सन् २०२० मे मृत्युके संख्या कम हुइल उल्लेख बा । सरकार पक्ष ओ विरोधी दुनुके ध्यान कोरोना नियन्त्रणमे हुइल ओरसे द्वन्द्वके कारण उ वर्ष करिब १० हजारजाने ज्यान गुमैले रहैं । उ संख्या द्वन्द्व सुरु हुइलयहोरके कम हो ।
