४ हजार ६२४ मे कोरोना संक्रमण पुष्टि

काठमाडौं, २१ जेठ । २४ घण्टामे देशभर ४ हजार ६२४ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयसे शुकके डेहल जानकारी अनुसार टमान जिल्लामे करल १४ हजार १८२ पीसीआर परीक्षणमे ४ हजार ६२४ जहनमे कोरोना पुष्टि हुइल हो । यीसँगे नेपालमे कोरोना संक्रमितके संख्या ५ लाख ८१ हजार ५६० पुगल बा ।

अस्टेक, २४ घण्टामे ८ हजार ६६३ जाने कोरोना संक्रमणमुक्त हुइल बाटैं । यीसँगे कोरोना संक्रमण हुके चोखुइयाके संख्या ४ लाख ७६ हजार १३० पुगल बा । नेपालमे सक्रिय संक्रमितके संख्या ९७ हजार ६९९ पुगल बा । क्वारेन्टाइनमे ७५५ जाने बाटैं ।

स्वास्थ्य तथा जनसंख्या मन्त्रालयसे डेहल जानकारी अनुसार देशभर करके थप १०१ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ७ हजार ७३१ पुगल बा ।