कैलालीके २१ जहनमे कोरोना संक्रमण, १ के मृत्यु

धनगढी, २२ जेठ । बिटल २४ घण्टामे कैलालीके २१ जहनमे कोरोना संक्रमण पुष्टि हुइल बा ।

सेती प्रादेशिक अस्पतालके प्रयोगशालामे १८९ नमुना परीक्षण करबेर कैलालीके २१ सहित २२ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं । उमध्ये ९ जाने धनगढी रहल बाटैं ।

कैलालीमे अन्य स्थानीय तहमे १२ ओ कैलाली बाहेक जिल्लाके १ रहल बाटैं । हाल अस्पतालमे ४९ जाने कोरोना संक्रमितके उपचार हुइटीरहल सूचना अधिकारी श्रेष्ठ बटैलैं ।

जोनमध्ये २ जाने भेन्टिलेटरमे, १५ जाने आइसियुमे, ३३ जाने अक्सिजन सपोर्टमे उपचाररत बाटैं कलेसे १ जहनके अवस्था सामान्य रहल जनागिल बा । पाछेक २४ घण्टामे सेती अस्पतालमे २ जाने भर्ना हुइल सूचना अधिकारी श्रेष्ठ जानकारी डेलैं ।

पछिल्का २४ घण्टामे अस्पतालमे उपचाररत १ कोरोना संक्रमितके मृत्यु हुइल अस्पताल जनैले बा ।