धनगढीके १ सहित कैलालीमे ११ जहनमे कोरोना संक्रमण पुष्टि
धनगढी, २३ जेठ । सेती प्रादेशिक अस्पतालमे थप ३५ जहनमे कोरोना भाइरसके संक्रमण पुष्टि हुइल बा । बिटल २४ घण्टामे अस्पतालमे ३३५ जहनके नमुना परीक्षण करेबेर थप ३५ जहनमे संक्रमण पुष्टि हुइल अस्पतालके सूचना अधिकारी दिलीपकुमार श्रेष्ठ बटैलैं ।
संक्रमितमध्ये १ जाने धनगढी उपमहानगरपालिकाके रहल बाटैं । अस्टेक धनगढी बाहेक कैलालीके ११ जाने ओ अन्य जिल्लाके २३ जहनमे संक्रमण पुष्टि हुइल बा ।
पछिल्का २४ घण्टामे अस्पतालसे १३ जाने डिस्चार्ज हुइल बाटै कलेसे थप ३ जाने नयाँ संक्रमित भर्ना हुइल बाटैं । हाल अस्पतालमे ३७ जाने संक्रमित उपचाररत बाटैं । १३ जाने आईसीयूमे, ३ जाने भेन्टिलेटरमे उपचाररत रहल अस्ताल जनैले बा ।
अस्टेक पाछेक २४ घण्टामे अस्पतालमे उपचाररत थप २ जाने संक्रमित ज्यान गुमैले बाटैं । कैलालीके घोडाघोडी नगरपालिका–१ के ७९ वर्षिय पुरुष ओ कञ्चनपुरके बलौरी नगरपालिका–९ के ७६ वर्षिया महिलाके मृत्यु हुइल सूचना अधिकारी श्रेष्ठ बटैलैं ।
