सेती अस्पतालमे १३० जहनमे संक्रमण पुष्टि

धनगढी, २४ जेठ । सेती प्रादेशिक अस्पतालमे थप १३० जहनमे कोरोना भाइरसके संक्रमण पुष्टि हुइल बा । बिटल २४ घण्टामे अस्पतालमे २७९ जहनके नमुना परीक्षण करेबेर थप १३० जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ बटैलैं ।

पाछेक २४ घण्टामे अस्पतालसे ११ जाने डिस्चार्ज हुइल बटैं कलेसे थप ७ जाने नयाँ संक्रमित भर्ना हुइल बटैं । हाल अस्पतालमे ३२ जाने संक्रमित उपचाररत बाटैं ।

९ जाने आईसीयूमे, ३ जाने भेन्टिलेटरमे उपचाररत रहल सूचना अधिकारी श्रेष्ठ बटैलैं । अस्टेक पाछेक २४ घण्टामे अस्पतालमे उपचाररत थप १ जाने संक्रमित ज्यान गुमैले बाटैं ।