धनगढीके ५१ सहित कैलालीके ५७ जहनमे संक्रमण पुष्टि

धनगढी, २५ जेठ । सेती प्रादेशिक अस्पतालमे थप १५४ जहनमे कोरोना भाइरसके संक्रमण पुष्टि हुइल बा । बिटल २४ घण्टामे अस्पतालमे ३५५ जहनके नमुना परीक्षण करबेर थप १५४ जहनमे संक्रमण पुस्टि हुइल अस्पतालके सूचना अधिकारी दिलिपकुमार श्रेष्ठ बटैलैं ।

उहाँक अनुसार धनगढीके किल ५१ जाने, धनगढी बाहेक कैलालीके ५७ ओ अन्य जिल्लाके ४६ जाने करके १५४ जहनमे संक्रमण पुस्टि हुइल हो । पछिल्का २४ घण्टामे सेती प्रादेशिक अस्पतालसे ९ जाने चोखाके घर लौटल बटैं कलेसे १० जाने नयाँ संक्रमित थपल बटैं ।

हाल अस्पतालमे ३३ जाने संक्रमित उपचाररत बटैं । १२ जाने आईसीयूमे, ३ जाने भेन्टिलेटरमे ओ २० जाने अक्सिजन सपोर्टमे उपचाररत रहल अस्पतालले जनैले बा ।