यूनिक नेपालसे सेती प्रादेशिक अस्पतालहे स्वास्थ्य सामग्री हस्तान्तरण

पहुरा समाचारदाता
धनगढी,२८ जेठ । यूनिक नेपाल लघुवित्त वित्तीय संस्था लिमिटेड आज सेती प्रादेशिक अस्पताल धनगढीहे स्वास्थ्य सामग्री हस्तान्तरण करले बा ।

यूनिक नेपाल धनगढी शाखाके व्यवस्थापक सन्तकुमार चौधरी सेती प्रादेशिक अस्पतालके मेसु डा. हेमराज पाण्डे हे एक कार्यक्रमके विच उ स्वास्थ्य सामग्री हस्तान्तरण करल रहिट ।

हाल विश्व भर फैल्टी रहल कोरोना महामारी नियन्त्रणमे सहयोग पुगाइक लाग यूनिक नेपाल लघुवित्त वित्तीय संस्था लिमिटेडके संस्थागत सामाजिक उत्तरदायित्व कोषसे खर्च हुइना करके रु एक लाख बराबरके स्वास्थ्य सामग्री अनुदान उपलब्ध कराइल शाखा व्यवस्थापक सन्तकुमार बटैलै । उ सामग्रीमे मास्क ३ हजार थान, ग्लोभ १५ सय थान, पीपीई ३० थान ओ फेस शिल्ड ११० थान हस्तान्तरण करल बा ।

यी संस्थाके कैलाली, कञ्चनपुर, दाङ, बर्दिया, बाँके, कञ्चनपुर, कपिलवस्तु लगायत टमान ठाउँमे शाखा स्थापना करके विपन्न वर्गहे लघुवित्त कर्जा सेवा उपलब्ध करैटी आइल बा कलेसे कोरोना महामारीके दुसरा चरण सुरु हुइलपाछे टमान ठाँउमे स्वास्थ्य सामग्री अनुदान उपलब्ध करैटी आइल बा ।