थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]

नरोत्तम वैद्य प्रदेशसभा बैठकमे माफी मंग्लैं

पहुरा | २९ जेष्ठ २०७८, शनिबार
नरोत्तम वैद्य प्रदेशसभा बैठकमे माफी मंग्लैं

हेटौंडा, २९ जेठ । संसदीय मर्यादा विपरीतके अभिव्यक्ति डेहलओरसे चौतर्फी आलोचित हुइल नेपाली काँग्रेस वाग्मती प्रदेशसभा सदस्य नरोत्तम वैद्य प्रदेशसभाके बैठकमे आत्मालोचनासहित माफी मंग्ले बटैं ।

शुकके रोज हुइल नीति तथा कार्यक्रमके छलफलमे अपन धारणा ढरना क्रममे सांसद वैद्य महात्मा गान्धीके हत्यारा नाथुराम गोड्सेके नाम लेके प्रधानमन्त्री केपी शर्मा ओली विरुद्ध अपने गोड्से बन्ना तयार रहल अभिव्यक्ति डेले रहैं । चौतर्फी विरोधपश्चात् आज प्रदेशसभा बैठकमे उहाँ पार्टीके निर्देशनअनुसार आत्मालोचना करलैं ।

‘मै संसद्के रोस्ट्रममे ठह्रियाके प्रतिक्रिया डेना क्रममे प्रधानमन्त्रीप्रति लक्षित करके महिनसे प्रयोग हुइल शब्द आपत्तिजनक ओ संसदीय मर्यादाविपरीत रहल कहिके मोर संसदीय दल उ अभिव्यक्ति फिर्ता लेना निर्देशन करलअनुसार अपन कहल फिर्ता लेहटुँ ।’ सदनमे वैद्य अपनसे बोलल बाट कूटनीति ओ संसदीय मर्यादाविपरीत रहल महसुस करटी शान्तिपूर्ण राजनीतिके शालीनता कलेक सडकमे समेत संयमके अभिव्यक्ति जरुरी रहल अंग्रिलैं ।

‘हिंसासे शान्तिपूर्ण रुपान्तरणके लाग औरे राजनीतिक दलहे समेत लोकतान्त्रिक अभ्यासमे प्रेरित करके संयोजन करल दलके एक सिपाहीके नातासे अपनसे बोलल उ अभिव्यक्ति फिर्ता लेटि रेकर्डसे हटैना सभामुखसमक्ष आग्रह करटुँ,’ उहाँ कलैं ।

वैद्य सदनमे अपन कहलहे स्पष्ट पर्ना समय उपलब्ध कराडेना सभामुख सानुकुमार श्रेष्ठहे आग्रह करले रहैं । ११ बजे बैठ्ना कहल बैठक एक घण्टा ढिल बैठल रहे । अपन पार्टीक केन्द्रीय ओ प्रदेशके निर्देशन तथा सत्तारुढ एमालेसे समेत उहाँक कहलके विरोध करले रहे ।

उहाँहे अभिव्यक्ति फिर्ता लेना नेपाली काँग्रेसके प्रवक्ता विश्वप्रकाश शर्मा ओ नेपाली काँग्रेस वाग्मती प्रदेश संसदीय दलके नेता ईन्द्रबहादुर बानियाँ समेत निर्देशन डेले रहैं । सदनमे आपत्तिजनक अभिव्यक्ति डेहल ओरसे वैद्यहे संसद्से माफी मंग्ना काँग्रेस सांसदहुक्रे आग्रह करले रहैं ।

जनाअवजको टिप्पणीहरू