लक्ष्मीके दोषीहे कारबाहीके माग
काठमाडौं, ३० जेठ । राष्ट्रिय महिला आयोगके अध्यक्ष कमलाकुमारी पराजुली डोटीमे मट्टीतेल अख्न्याके जराइल लक्ष्मी भाटके स्वास्थ्य अवस्थाबारे बुझके दोषीहे कारबाहीके माग करले बटि ।
कीर्तिपुरस्थित वर्न अस्पतालमे उपचार करैटिरहल भाटके स्वास्थ्य अवस्था बुझे अध्यक्ष पराजुली उहाँ पुगल रहे । भेटके क्रममे पीडित भाट अपन ओ नाबालक छाइहे आगी लगाके ज्यान मर्ना प्रयास करना आरोपित पति सन्तोष भाटहे जन्मकैदके सजायके माग करलि ।
एक साता आघे श्रीमानसे जराइल भाट ओ उहाँक छाइके उपचार हुइटा । महिला, बालबालिका तथा ज्येष्ठ नागरिक मन्त्रालयके महिला हिंसा निवारण कोषसे पाँचलाख वर्न अस्पतालमे निकासा हुके अब्बे पीडितके उपचार हुइटा । गृह मन्त्रालय फेन पीडितके उपचार सरकार करैटी आइल बा ।
अनुगमनके क्रममे अस्पताल प्रमुख एवम् सम्बन्धित चिकित्सक भाट हाल गर्भवती समेत रहल ओरसे उहाँक उपचारके साथे विषेश ध्यान करेपरना जानकारी करैले रहे । डोटी जिल्ला आदर्श गाउँपालिका वडा–४ के लक्ष्मी भाटहे दुई वर्षके छाइ अञ्जु भाट समेतहे अप्ने श्रीमान ढोका बन्द करके मट्टीतेल अख्न्याके जराके सख्त घाहिल बनाइल घटना सार्वजनिक हुइल रहे ।
आयोगके अध्यक्ष पराजुली यी सम्बन्धमे डोटीके प्रमुख जिल्ला अधिकारी ओ जिल्ला प्रहरी प्रमुखसँग टेलिफोन वार्ता करके दोषीहे तत्काल पक्राउ करके कानूनी कारबाहीके दायरामे नन्ना आग्रह करले बटि । महिला घरभित्रे अपन परिवारसे सुरक्षित नैरहल अवस्था यी घटनासे डेखाइल कटि पीडकहे हदैसमके सजाय पाइपरना उहाँक जोर बा ।
आगप्से जरलपाछे लग्गेक अस्पतालमे उपचारके लाग लैगिल रहे । उ अस्पतालमे भाटके उपचार हुइ नैसेकल ओरसे मन्त्रालय ओ सम्बन्धित क्षेत्रके जनप्रतिनिधि समेतके समन्वय ओ पहलमे घाहिल लक्ष्मी ओ उहाँक छोइहे हेलिकप्टरमार्फत उपचारके लाग सोम्मार काठमाडौँ नाल कीर्तिपुर बर्न अस्पतालमे भर्ना करल रहे ।
