थप १ हजार ६९४ मे कोरोना पुष्टि, ३ हजार ९९४ जाने संक्रमणमुक्त

काठमाडौं, ३० जेठ । २४ घण्टामे देशभर १ हजार ६९४ जहने कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके प्रवक्ता डा. कृष्ण पौडेलसे आजके कोभिड ब्रिफिङमे डेहल जानकारी अनुसार टमान जिल्लामे करल १२ हजार ४०६ पीसीआर परीक्षणमे १ हजार ६९४ जहनमे कोरोना पुष्टि हुइल हो ।

अस्टेक, एन्टिजेन परीक्षणमे ७१३ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार ४०७ जहनमे संक्रमण पुष्टि हुइल मन्त्रालय जनैले बा । यीसँगे नेपालमे कोरोना डेखाइलके संख्या ६ लाख २८ हजार ९४२ पुगल बा ।

अस्टेक, २४ घण्टामे ३ हजार ९९४ जाने कोरोना संक्रमणमुक्त हुइल बटैं । यीसँगे कोरोना संक्रमण हुके चोखुइयाके संख्या ५ लाख ३१ हजार १०५ पुगल बा ।

मन्त्रालयसे डेहल जानकारी अनुसार देशभर करके थप ४६ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ८ हजार ४१२ पुगल बा ।