डाँकाचोरी मुद्दाके फरार प्रतिवादी १० वर्षपाछे पक्राउ
धनगढी, ३० जेठ । डाँकाचोरी मुद्दामे फरार रहल व्यक्तिहे कैलाली प्रहरी आज धनगढीसे पक्राउ करले बा ।
डाँकाचोरी मुद्दामे कैलाली अदालतके २०६८ असार ३१ गतेके फैसला ६ वर्ष कैद ओ ४५ लाख ३८ हजार ५५० रुपैयाँ जरिवाना सुनाइल धनगढी उपमहानगरपालिका–२ के ५० वर्षिय गोबिन्दराज अवस्थीहे प्रहरी पक्राउ करल हो ।
प्रहरीके अनुसार उहाँ २०६५ अगहन ०५ गते कैलालीके साबिक मालाखेती गाविस वडा नम्बर ७ स्थित यार्सागुम्बालगायत नगद तथा जिन्सी सरसमान डाँकाचोरीमे संलग्न रहैं । जिल्ला अदालतके आदेशहे पुनरावेदन अदालत दिपायल ओ सर्वोच्च अदालत फेन सदर करले रहे ।
उहाँहे जरिवाना ओ कैद भुक्तानके लाग खोज तलास करटि आइल प्रहरी शनिच्चर धनगढी उपमहानगरपालिका–३ से पक्राउ करल हो ।
उहाँहे अँट्वार कैलाली जिल्ला अदालतमे दाखिला करके आवश्यक कैद भुक्तान ओ जरिवाना असुलीके लाग कैलाली कारागारमे पठाइल कैलाली प्रहल जनैले बा ।
