सेती प्रयोगशालामे थप १३ जहनमे कोरोना पुष्टि, ५ जाने कोरोनामुक्त

धनगढी, १ असार । धनगढीस्थित सेती प्रादेशिक अस्पतालके प्रयोगशालामे करल परीक्षणमे १३ जहनमे कोरोना भाइरसके संक्रमण पुष्टि हुइल बा । २४ घण्टामे सेती प्रादेशिक अस्पतालके प्रयोगशालामे २२४ नमूना परीक्षण करलमे १३ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

हाल अस्पतालमे ११ जाने कोरोना संक्रमितके उपचार हुइटीरहल सूचना अधिकारी श्रेष्ठ बटैलैं । जोनमध्ये १० जाने आइसियूमे ओ १ जाने अक्सिजन सपोर्टमे उपचाररत बटैं ।

बिटल २४ घण्टामे सेती अस्पतालमे ५ जाने कोरोनामुक्त हुके घर लौटल बटैं कलेसे १ जाने अस्पताल भर्ना हुइल सूचना अधिकारी श्रेष्ठ जानकारी डेले । पछिल्का २४ घण्टामे कोरोनाके कारण केक्रो फेन मृत्यु नैहुइल अस्पताल जनैले बा ।