नारायणी नदीमे पानीके सतह उच्च, गण्डक ब्यारेजके सब ढोका खोलगिल

पूर्वीनवलपरासी, १ असार । लगातारके झरीके कारण नारायणी नदीमे पानीके सतह खतराके तहसे उप्पर गैल बा । देवघाट जलमापन केन्द्रके अनुसार आज अपरान्ह ४ बजेबाद पानीके सतह ८ दशमलब २६ मिटरसे उप्पर पुगल बा । नारायणी नदीमे पानीके सतह ८ मिटरसे उप्पर गैलपाछे खतराके संकेत करठ ।

जिल्ला प्रशासन कार्यालय पूर्वी नवलपरासीके सूचना अधिकारी आनन्द शर्मा नारायणी नदी आसपासके बासिन्दाहे सतर्क अपनैना प्रशासनसे अनुरोध करल सूचना जारी करले बटैं ।

आसपासके सूरक्षा निकायहे सर्तक अवस्थामे ढरल बा । त्रिवेणीस्थित गण्डक ब्यारेजके सब ३६ ठो ढोका खोलल बा । लगातारके वर्षातके पानी ओ खोल्ह्वाक बाढसे नारायणीमे पानीके सतह बह्रटी गैल हो ।