सुदूरपश्चिम प्रदेश सरकार ३० अर्ब ३३ करोडके बजेट नानल (पूर्णपाठसहित)
धनगढी, १ असार । सुदूरपश्चिम प्रदेश सरकार अगामी आर्थिक वर्ष २०७८/७९ के लाग ३० अर्ब ३३ करोड ९४ लाख रुपैयाँ बराबरके बजेट नन्ले बा ।
यहाँसरकारके आर्थिक मामिला तथा योजना मन्त्री प्रकाशबहादुर शाह आज बैठल प्रदेशसभा बैठकमे चालु आर्थिक वर्षके वार्षिक बजेट से ३ अर्ब ५ करोड कमके बजेट प्रस्तुत करल हुइँट् ।
बजेट वक्तव्य प्रस्तुत करटि मन्त्री शाह चालुओर १० अर्ब ६६ करोड ओ पुँजीगतओर १७ अर्ब ६५ करोड ४० लाख बजेट विनियोजन करल बटैलैं । चालुओर चालु आर्थिक वर्षके तुलनामे ४ अर्ब बजेट घटाइल बा कलेसे पुँजीगओर झण्डे एक अर्बसे वृद्धि हुइल बा ।
मन्त्री शाह अगामी आर्थिक वर्षमे स्वास्थ्य सेवासुधार तथा विस्तार ओ पूर्वाधार निर्माणहे पहिल प्राथमिकता डेके बजेट विनियोजन करल बटैले बटैं ।
उहाँ अगामी वर्षहे अस्पताल स्तरोन्नती तथा सेवा विस्तार सुधार वर्षके रुपमे मनैटि पूर्वाधार विकासके लाग २ अर्ब ५८ लाख बजेट विनियोजन करल बटैलैं ।
अस्टेक, भौतिक पूर्वाधारओर प्रदेश गौरवके सडक निर्माण, भारी पूर्वाधार ओ रुपान्तरणकारी योजनाहे अगामी वर्षमे निरन्तरता डेना मेरिक ५ अर्ब १२ करोड बजेट विनियोजन करल बटैलैं ।
सुदूरपश्चिम प्रदेश सरकारके आर्थिक वर्ष २०७८/७९ बजेटके पूर्णपाठके लाग यहाँ क्लीक करि ।
