मुख्यमन्त्री भट्टसे युवा नेता भण्डारीके ५०० सिलेण्डर ट्रक हस्तान्तरण करलै

पहुरा समाचारदाता
धनगढी,१ असार । सुदुरपश्चिम प्रदेश सरकारके मुख्यमन्त्री मा.त्रिलोचन भट्ट हरिप्रिया प्रकाश फाउन्डेसनके ओरसे नेपाली कांग्रेसके युवा नेता क्षितिज भण्डारीसे प्राप्त ५०० अक्सिजन सिलेन्डर करके डेना बोर्ड सहित अक्सिजनसे भरल ट्रक सेती प्रादेशिक अस्पतालहे हस्तान्तरण करले बटै ।

मुख्यमन्त्री भट्ट वडका पहुनाके रुपमे सम्बोधन करटी खादा, माला ओ मञ्च नइबनाके सिधा अक्सिजन भरल ट्रकसहित अस्पताल परिसरमे करल यी उदाहरणीय कदम अनुकरणीय रहल बटैटी नेपाली कांग्रेसके नेतृ स्वर्गीय हरिप्रिया भण्डारी ओ झण्डे हजार बिगाह जमिन उच्च माबि, क्याम्पस, एयरपोर्ट, पार्क ओ कभर्ड हलहे डेना भण्डारी परिवारसे कोरोना कालमे डेहल कहटी लाखौंके निस्वार्थ सहयोगहे धन्यवाद सहित स्विकारल बटैटी स्वास्थय सेवा बजेटमे केन्द्रित सरकार नेपाली कांग्रेस समेतके सहयोगसे ५ बर्ष सहमति ओ सहकार्यमे टिक्न दाबी करलै ।

विशिस्ट पहुना प्रमुख प्रतिपक्षी दलके नेता डा. रणबहादुर रावल कोरोनाके महायुद्धमे सुदुरपश्चिममे स्वास्थय सामग्री, खाद्यान्न बटटी आइल युवानेता भण्डारीसे १८०० सिलेन्डर वितरण करके प्रदेशमे नेपाली कांग्रेसके प्रतिष्ठा बह्राइलमे धन्यवाद डेटी आब प्रदेश सरकारहे नागरिक स्वास्थयके हरेक सहयोग कैना प्रतिबद्धता व्यक्त करलै ।

विशिष्ट पहुना कांग्रेस कैलालीके सभापति नरनारायण शाह ‘जनमन कांग्रेस ओ तनमन सेवा’ अभियान अन्तर्गत नेपाली कांग्रेसके निर्देशनमे क्षितिज भण्डारीसे बाढपहिरोमे लाखौंके टेन्ट देनासे आजसम वितरित अक्सिजन सिलेन्डर अभियानल विपन्न वर्गके नागरिक तत्काले लाभान्वित हुइना ओरसे अइसिन फास्ट ट्र्याकमे प्रत्येक वार्ड्मे आईसियु ओ भेन्टिलेटर स्थापना प्रदेश सरकारहे सुझाव डेलै ।

मुख्यमन्त्री ओ प्रमुख प्रतिपक्षी दलके नेता सयुक्त रूपमे कोरोना अवधीमे ज्यान खतरामे धारके मानवीय सेवा करुइयाहे सम्मानित करल रहिट । नेपाल प्रहरी डिआईजी उत्तम सुबेदी, मेडिकल सुपरिटेन्डेन्ट डा. हेमराज पाण्डे, सभापति नरनारायण शाह, धनगढी उपमहानगरपालिका प्रमुख नृप वड, उपप्रमुख सुशिला मिश्र, ह्युमनिटि फाउन्डेसन अध्यक्ष श्याम टायल, रोटरी कल्बके अध्यक्ष तोयराज भट्ट, हरिषचन्द्र ठाकुर, डा. देवराज पनेरु, रोयल कोलाब्रेटस अध्यक्ष गजेन्द्र शाही, नवआदर्श क्लवके अध्यक्ष निराजन खड्का, जगत सिह, भवानीसिह भण्डारी, निपा चोखाल ओ उद्योग वाणिज्य संघ आदि सस्थागत सम्मानित हुइल रहिट । उ कार्यक्रमके सञ्चालन नृपबहादुर सुनार करले रहिट । कलेसे स्वागत देवराज ओझा करले रहिट ।