पहिरोमे डबके १ जहनके मृत्यु, २ घाहिल

डोटी, २ असार । डोटीमे पहिरोमे डबके १ जहनके मृत्यु हुइल बा । जिल्लाके केआईसिंह गाउँपालिका वडा नम्बरं ३ बासुदेवी देउकाँडाके ६५ वर्षिय खडकबहादुर बमके पहिरोमे डबके मृत्यु हुइल हो ।

बमके साथमे गइल २ बालिका फेन घाहिल हुइल बटैं । घाहिल हुइनामे बासुदेवीके झिगावस्तीके १३ वर्षिय पुनी कुँवर ओ १६ वर्षिय पुजा कुँवर रहल बटैं ।

पुनीके हात टुटल बा कलेसे पुजाके कपारमे चोट लागल बा । खानेपानी अबरुद्ध हुइलओरसे पानी बनाइ मुहानमे गैल बमके खिरणा खोलाके पहिरोमे परके निधन हुइल स्थानीय खगेन्द्र बडैला बटैलैं ।