जलम दिनके अवसरमे मानसिक असन्तुलन हुइल बालबालिकनहे सहयोग
पहुरा समाचारदाता
धनगढी, १५ असार । चितवनके रत्ननगर नगरपालिका वडा नं १६, (पिठुवा–४) रायमाझी टोल बैठना अनिल अधिकारी अपन बाबक जलम दिनके अवसरमे मानसिक असन्तुलन हुइल बालबालिकनहे आर्थिक सहयोग डेले बटै ।
अपांगता, असहाय ओ गरिब बालबालिकाहुकनहे एकदम सेकल सहयोग करे रुचैना व्यक्तित्व ३५ बरसके अनिल अधिकारी अपन लुमणी प्रसाद अधिकारीके २०७८ आषाढ ८ गतेक दिन १०० बर्ष (एक शताब्दी) पार करके १०१ औं बर्षमे प्रवेश करल सुखद शुभ जन्मदिनके अवसरमे, सुदूरपश्चिम प्रदेशके कैलाली जिल्लाके ‘सहारा घर’ मे जीवन बिटैटी रहल मानसिक असन्तुलन रहल बालबालिकाहुकनके सहज जीवनयापन ओ अध्ययनके लाग रिह्याब फाउन्डेसन नेपाल मार्फत बाबा लुमणि प्रसाद अधिकारीके नाउसे रु १० हजार आर्थिक सहयोग प्रदान करले बटै । उहाँके यी सहयोग सहारा घरके मानसिक असन्तुलन हुइल १० जाने बालबालिका समक्ष पुगाइल सर्वाङीण अपांगता विकास समाज नेपालके प्रबन्ध निर्देशक नन्दराज भट्ट जनैलै ।
साथे उहाँ अपन बाबक अइना हरेक जन्मदिनमे हाल प्रदान करल रकममे वार्षिक रु १०००÷– के दरसे ठपके बाबक जीवनकालभर वार्षिक रूपमे सहयोग कैना प्रतिबद्धता समेत जनैलै । यी उदारणीय सहयोगके लाग उहाँके व्यक्तिगत जीवनमे ओ शताब्दी पुरुष लुमणी प्रसाद अधिकारीके नम्मा स्वस्थ आयुके कामना बा ।
