सर्वाङिण अपांगता विकास समाज नेपालसे सहायक सामाग्री वितरण
पहुरा समाचारदाता
धनगढी,१५ असार । सर्वाङिण अपांगता विकास समाज नेपालसे बहुट आवश्यक रहल ढेर अशक्त अपांगता रहल व्यक्तिहुकनके घर दैलोमे जाके अपांगता नागरिकहे सहायक सामाग्री वितरण करले बा ।
सुदूरपश्चिम प्रदेश सरकार, सामाजिक विकास मन्त्रालय, सामाजिक विकास महाशाखा धनगढीके आर्थिक सहयोगमे सुदूरपश्चिम प्रदेशके कैलाली जिल्लाके बर्द्गोरिया गाउँपालिकामे रहल अपांगता नागरिकहे सहायक सामाग्री वितरण करल सर्वाङीण अपांगता विकास समाज नेपालके प्रबन्ध निर्देशक नन्दराज भट्ट बटैलै ।
अपांगता नागरिकहुकनहे १६ थान व्हिल्चियर, १० थान सेतो छडी, १० थान विशेष प्रकारके लठ्ठी ओ १० जोडी बैशाखीसहित ४६ जनहनहे सहायक सामग्री हस्तान्तरण करल उहाँ जनैलै ।
उ सामान वितरण कार्यक्रममे वडा अध्यक्ष, जन प्रतिनिधि ओ कार्यक्रम जिल्ला अधिकृत ईन्द्र बहादुर पाली रहिट । सामग्री बुझलपाछे अपांगता अभिभावक हार्दिक धन्यवाद ज्ञापन सहित स्वागत करले रहिट । कार्यक्रममे सहभागी सहायक सामग्री व्हिल्चियर, बैशाखीके भारी अभाव रहल बटैलै ।
अति अशक्त अपांगता रहल नागरिक कृतसिह साउद सामाजिक विकास मन्त्रालयसे यी सामाग्री अपांगता सस्था मार्फत व्हिल्चियर पाइलपाछे जाटिक अपांगता नागरिकके आवागमनके अधिकार सुनिश्चित हुइल बटैलै ।
ओस्टेक प्याराल्याईसिस हुके घरभिटर दिशा पिशाव कैना बाध्य रहल देवसिंह ठकुरी आब कमसेकम सहयोगीके सहयोग लेके शौचालयमे टे शौच करे सेक्ना बटैलै । उहाँ बिगत २ बर्षसे सहायक सामग्री नइपाके घरभिटर ओछ्यानमे सुत्न बाध्य हुइल बटै ।
नागरिक अगुवा सर्प सिंह कामी वास्तविक अपांगताके समस्या मध्य नजर करके अपांगता सस्था ओ सामाजिक विकास मन्त्रालयसे करल सहयोगके हम्रे सक्कु जे सम्मान करे पर्ना बटैलै ।
