कैलारी गाउँपालिका भलमन्सा प्रथाहे कानुनी मान्यता डेना

पहुरा समाचारदाता
हलुलिया, १७ असार । कैलालीके कैलारी गाउँपालिका थारू समुदायके भलमन्सा प्रथाहे कानुनी मान्यता डेना हुइल बा ।

इहे असार १० गते हुइल गाउँपालिकाके आर्थिक वर्ष २०७८/०७९ के नीति तथा कार्यक्रम सम्बोधन कैटी गाउँपालिका अध्यक्ष लाजुराम चौधरी भलमन्सा प्रथाके कानुनी व्यवस्थापनके साथे उहाँहुक्रनके क्षमता अभिवृद्धि, तालिम ओ सेवा सुविधा उपलब्ध करैना बटैलै ।

यकर साथे गाउँपालिकासे थारू कला, साहित्य ओ संस्कृतिके पहिचान, सम्बर्द्धन ओ संरक्षण कैना थारू समुदायके प्राचिन भलमन्सा प्रथाके जगेर्ना कैना आपन नीति तथा कार्यक्रममे उल्लेख करले बा ।

गाउँपालिकासे स्थानीय तथा मातृभाषा पाठ्यक्रम ओ पाठ्यपुस्तक लागु कैना, स्थानीय मातृभाषा शिक्षके व्यवस्थापन कैना फेन नीति तथा कार्यक्रममे उल्लेख करले बा ।