थप १९ जनहनमे कोरोना पुष्टि

पहुरा समाचारदाता
धनगढी, १७ असार । धनगढीस्थित सेती प्रादेशिक अस्पतालके प्रयोगशालामे करल परीक्षणमे बिफेक रोज १९ जनहनमे कोरोना भाइरसके संक्रमण पुष्टि हुइल बा । सेती प्रादेशिक अस्पतालके प्रयोगशालामे ७५ नमूना परीक्षण करेबर १९ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।

हाल अस्पतालमे २१ जाने कोरोना संक्रमितके उपचार हुइटी रहल सूचना अधिकारी श्रेष्ठ बटैलै । पाछेक २४ घण्टामे सेती अस्पतालमे ६ जाने चोखाके घर जासेकल बाटै कलेसे ७ जाने बिरामी अस्पतामे भर्ना हुइल सूचना अधिकारी दिलिपकुमार श्रेष्ठ जानकारी डेलै । पाछेक २४ घण्टामे अस्पतामे कक्रो फेन मृत्यु नैहुइल अस्पताल जनैले बा ।