४ हजार १७ जाने संक्रमणमुक्त, थप १८५७ मे कोरोना पुष्टि

काठमाडौं, १७ असार । २४ घण्टामे देशभर १ हजार ८५७ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार बिफेक रोज टमान जिल्लामे करल ७ हजार १३० पीसीआर परीक्षणमे १ हजार ८५७ जहनमे कोरोना पुष्टि हुइल हो ।

अस्टेक, ३ हजार ८५५ एन्टिजेन परीक्षणमे ९०३ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार ७६० जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइल संख्या ६ लाख ४० हजार ६६२ पुगल बा ।

अस्टेक, २४ घण्टामे ४ हजार १७ जाने कोरोना संक्रमणमुक्त हुइल बटैं । यीसँगे कोरोना संक्रमण हुके ठिक हुइनाके संख्या ६ लाख १४९ पुगल बा ।

मन्त्रालयसे डेहल जानकारी अनुसार देशभर करके थप ३३ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार १४५ पुगल बा ।