थप १३९१ मे कोरोना पुष्टि, ३४५१ जाने संक्रमणमुक्त

काठमाडौं, १८ असार । २४ घण्टामे देशभर १ हजार ३९१ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार शुकरे रोज टमान जिल्लामे करल ६ हजार ५६६ पीसीआर परीक्षणमे १ हजार ३९१ जहनमे कोरोना पुष्टि हुइल हो ।

अस्टेक, ४ हजार ३० एन्टिजेन परीक्षणमे ९०८ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार २९९ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइलके संख्या ६ लाख ४२ हजार ५३ पुगल बा ।

अस्टेक, २४ घण्टामे ३ हजार ४५१ जाने कोरोना संक्रमणमुक्त हुइल बटैं । यीसँगे कोरोना संक्रमण हुके ठिक हुइनाके संख्या ६ लाख ३६ सय पुगल बा ।

मन्त्रालयसे डेहल जानकारी अनुसार देशभर करके थप ३४ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार १७९ पुगल बा ।