आज चार प्रदेशमे भीषण वर्षाके सम्भावना
काठमाडौं, २० असार । मनसुनी वायुके प्रभाव ओ तराई भू–भाग लग्गे रहल ओरसे मनसुनी न्युन चापीय रेखाके कारण आज प्रदेश १, प्रदेश २, बागमती ओ गण्डकी प्रदेशके कुछ स्थानमे भीषण वर्षाके सम्भावना रहल बा ।
जल तथा मौसम विज्ञान विभागके मौसम पूर्वानुमान महाशाखाके अनुसार अँट्वार बिहान देशभरके मौसम बदली रहे । प्रदेश १, प्रदेश २, बाग्मती ओ गण्डकी प्रदेशके कुछ स्थानमे वर्षा हुइल बा ।
दिनके फेन देशभर मौसम बदली रहिके प्रदेश १, प्रदेश २, बागमती, लुम्बिनी ओ गण्डकी प्रदेशके अधिकांश स्थानमे तथा कर्णाली ओ सुदूरपश्चिम प्रदेशके कुछ स्थानमे हल्कासे मध्यम वर्षाके सम्भावना रहल बा । प्रदेश १, प्रदेश २, बागमती ओ गण्डकी प्रदेशके कुछ स्थानमे भर भीषण वर्षाके सम्भावना रहल महाशाखा जनैले बा ।
रातके देशभर सामान्यसे पूर्ण बदली रहिके प्रदेश १, प्रदेश २, बागमती प्रदेश, लुम्बिनी ओ गण्डकी प्रदेशके अधिकांश स्थानमे साथे कर्णाली ओ सुदूरपश्चिम प्रदेशके कुछ स्थानमे हल्कासे मध्यम वर्षाके सम्भावना रहल बा । प्रदेश १, प्रदेश २, बागमती ओ गण्डकी प्रदेशके कुछ स्थानमे भीषण वर्षाके सम्भावना रहल बा । प्रदेश नम्बर १, बागमती ओ गण्डकी प्रदेशके एक दुई स्थानमे भर भीषण वर्षाके सम्भावना रहल मौसम पूर्वानुमान महाशाखा जनैले बा ।
सोम्मार दिनके देशके अधिकांश स्थानमे हल्कासे मध्यम वर्षाके सम्भावना रहल बा । प्रदेश १, बागमती ओ गण्डकी प्रदेशके कुछ स्थानमे भर भीषण वर्षाके सम्भावना रहल बा । रातके प्रदेश १, प्रदेश २, बागमती, गण्डकी ओ लुम्बिनी प्रदेशके अधिकांश स्थानमे तथा कर्णाली ओ सुदूरपश्चिम प्रदेशके कुछ स्थानमे हल्कासे मध्यम वर्षाके सम्भावना बा । प्रदेश १, बागमती ओ गण्डकी प्रदेशके कुछ स्थानमे भर भीषण वर्षाके सम्भावना रहल महाशाखा जनैले बा ।
मंगरके दिनके फेन देशके अधिकांश स्थानमे हल्कासे मध्यम वर्षाके सम्भावना रहल बा । प्रदेश १, बागमती ओ गण्डकी प्रदेशके कुछ स्थानमे भीषण वर्षाके सम्भावना बा । रातके प्रदेश १, प्रदेश २, बागमती, गण्डकी ओ लुम्बिनी प्रदेशके अधिकांश स्थानमे तथा कर्णाली ओ सुदूरपश्चिम प्रदेशके कुछ स्थानमे हल्कासे मध्यम वर्षाके सम्भावना बा । प्रदेश १, प्रदेश २, बाग्मती, गण्डकी ओ लुम्बिनी प्रदेशके कुछ स्थानमे भर भीषण वर्षाके सम्भावना रहल मौसम पूर्वानुमान महाशाखा जनैले बा ।
