अवैध औषधी खरिद विक्री करुइया दुई जे पक्राउ
पहुरा समारदाता
धनगढी, २० असार । चिकित्सकके स्विकृती बिना औषधी बिक्री ओ खरिद करुइया दुई जाने पक्राउ परल बटै ।
आज बिहान ११ः०० बजेक समयमे विशेष सुचनाके आधारमे जिल्ला प्रहरी कार्यालयसे खटल प्रहरी टोली जिल्ला कैलाली धनगढी उप–महानगरपालिका वडा नम्बर १ एलएन चोकस्थित सडक खण्डमे साईकल चलैटी रहल अवस्थामे वडा नम्बर १३ बैठना बर्ष २१ के सोमराज जोशीहे फेलापारके चेक जँच करेबेर हुकान थेनसे अवैध डवाई भेटल रहे ।
हुकान थेनसे चिकित्सकके स्विकृती बिना खरिद करल Spasmo लिखल २० टयाब्लेट, PERLIN–75 लिखल २ क्याप्सुल PREGASTAR–150 लिखल १२ क्याप्सुल फेला पारल जिल्ला प्रहरी कार्यालय कैलालीके प्रवक्ता प्रतिक विष्ट बटैलै ।
थप अनुसन्धान करटी जाईबेर सोमराज उ औषधी सेवन करेक लाग जिल्ला कैलाली धनगढी उप–महानगरपालिका वडा नम्बर १ स्थित अस्पताल लाईनमे रहल सन्तोष मेडिको प्रा.ली.से खरिद करल खुले आइल चिकित्सकके स्विकृती बिना औषधी बिक्री वितरण कैना सन्तोष मेडिको प्रा.लि.ममे खानतलासी करेबर Spasmo लिखल २०२ टयाब्लेट , PERLIN–75 लिखल २९७ क्याप्सुल ओ PREGASTAR–150 लिखल ६१५ क्याप्सुल फेला पारके बरामद करके बिक्री वितरण करुइया उहे मेडिको प्रा.लि.मे काम करुइया जिल्ला कैलाली धनगढी उपमहानगरपालिका वडा नम्बर ५ बैठना बर्ष २३ के करन चौधरीहे समेत पक्राउ करके उ बरामद औषधी तथा निज सोमराज जोशी ओ करन चौधरीहे आवश्यक कारबाहीके लाग औषधी व्यवस्था विभाग नेपालगंज पठैना तयारी हुइटी रहल बा ।
