कोपा अमेरिकाके सेमिफाइनल समीकरण पूरा
२० असार, काठमाडौं । ब्राजिलमे हुइटिरहल कोपा अमेरिका फुटबलके ४७ औं संस्करणके सेमिफाइनल समीकरण पूरा हुइल बा ।
अँट्वार बिहान दुई क्वाटरफाइनल खेल समपन्न हुइलबाद सेमिफाइनल पुग्ना चारठो टोलीके टुंगो लागल हो ।
जेम्ने कोलम्बिया उरुग्वेहे पेनाल्टी सुटआउटमे ४–२ से हटाके सेमिफाइनलमे स्थान बनाइल ।
औरे खेलमे अर्जेन्टिना इक्वेडरहे ३–० से हटाइल ।
यिहे दुई टिम अर्जेन्टिना ओ कोलम्बिया दोसर सेमिफाइनलमे प्रतिस्पर्धा करि ।
उआघे घरेलु टोली ब्राजिल पेरुसँग पहिल सेमिफाइनल खेली । २०१९ मे हुइल संस्करणमे ब्राजिल पेरुहे पराजित करके उपाधि जिटले रहे ।
विश्वके सबसे पुरान फुटबल प्रतियोगिता कोपामे दक्षिण अमेरिकाके १० राष्ट्रहे दुई समूहमे विभाजन करके खेलाइल रहे । जेम्ने समूह ‘ए’से अर्जेन्टिना किल सेमिफाइनल पुग्न सफल हुइल बा । समूह ‘बी’ से ब्राजिलसँगे पेरु ओ कोलम्बिया सेमिफाइनल पुगल हो ।
आब ब्राजिल ओ पेरुबीचके खेल मंगरके बिहान नेपाली समय अनुसार ४ः४५ बजे सुरु हुइ । अस्टेक अर्जेन्टिना ओ कोलम्बियाबीचके खेल बुधके बिहान ६ः४५ बजे सुरु हुइ ।
