२५५२ जाने संक्रमणमुक्त, थप १०४२ मे कोरोना पुष्टि

काठमाडौं, २० असार । २४ घण्टामे देशभर १ हजार ४२ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार अँट्वार टमान जिल्लामे करल ४ हजाार ८७६ पीसीआर परीक्षणमे १ हजार ४२ जहनमे कोरोना पुष्टि हुइल हो ।

अस्टेक, ३ हजार २५६ एन्टिजेन परीक्षणमे ५६१ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल १ हजार ६०३ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइल संख्या ६ लाख ४४ हजार ६२२ पुगल बा ।

अस्टेक, २४ घण्टामे २ हजार ५५२ जाने कोरोना संक्रमणमुक्त हुइल बटैं । यीसँगे कोरोना संक्रमण हुके ठिक हुइनाके संख्या ६ लाख ९ हजार २१८ पुगल बा ।

मन्त्रालयसे डेहल जानकारी अनुसार देशभर करके थप २७ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार २२५ पुगल बा ।