सेती अस्पताल प्रयोगशालाके परीक्षणमे २१ जाने कोरोना पुष्टि

धनगढी, २३ असार । सेती प्रादेशिक अस्पतालमे करल कोरोना परीक्षणमे थप २१ जहनमे संक्रमण पुष्टि हुइल बा । बिटल २४ घण्टामे अस्पतालमे ९५ जहनमके नमुना परीक्षण करलमे थप २१ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार २४ घण्टामे अस्पतालसे १ जाने संक्रमित डिस्चार्ज हुइल बटैं कलेसे थप ३ जाने भर्ना हुइल बटैं ।

हाल अस्पतालमे १२ जाने संक्रमित उपचाररत बटैं । जोनमध्ये ३ जाने संक्रमित आईसीयूमे ओ ३ जाने भेन्टिलेटरमे उपचाररत रहल सूचना अधिकारी श्रेष्ठ बटैलैं ।