३ दिनसे बेपत्ता बालक मृत फेला

टीकापुर, २३ असार । कैलालीमे ३ दिनसे बेपत्ता रहल १ बालकके शव फेला परल बा । टीकापुर नगरपालिका–१, ब्लक नम्बर ८ के दिलिप विष्टके पाँच वर्षिय छावा विवेक विष्टके शव फेला परल जिल्ला प्रहरी कार्यालय कैलालीके प्रमुख प्रहरी उपरीक्षक विश्व अधिकारी बटैलैं ।

इलाका प्रहरी कार्यालय टीकापुरके प्रहरी नायव उपरीक्षक प्रकाश सापकोटाके अनुसार बालकके शव जमरा कुलोके किनारमे फेला परल हो । घटनाके थप अनुसन्धान हुइटिरहल उहाँ बटैलैं ।

सोम्मार बालक हेराइलबाड खोजीके लाग रातसे जिल्ला प्रहरी कार्यालय कैलालीके एसपी अधिकारी टीकापुर पुगल रहैं । मंगरके रोज बिहानसे २ कुकुरके प्रयोग करके एसपी अधिकारीके टोली अनुसन्धान करले रहे ।