सेती अस्पतालके परीक्षणमे ३३ जहनमे कोरोना संक्रमण, १ के मृत्यु

पहुरा समाचारदाता
धनगढी, २६ असार । सेती प्रादेशिक अस्पतालके प्रयोगशालामे करल परीक्षणमे ३३ जहनमे कोरोना भाइरसके संक्रमण पुष्टि हुइल बा ।

बिटल २४ घण्टामे अस्पतालके प्रयोगशालामे ८९ नमूनाके परीक्षण करलमे ३३ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार हाल अस्पतालमे १६ जाने संक्रमित उपचाररत बटैं । जोनमध्ये २ जाने संक्रमित आईसीयू, १ जाने भेन्टिलेटर ओ १० जाने अक्सिजनके सर्पोटरमे उपचाररत बटैं । पछिल्का २४ घण्टामे १ जाने बिरामी ठिक हुके घर लौटल बटैं कलेसे ४ जाने अस्पतालमा भर्ना हुइल बटैं ।

बिटल २४ घण्टामे १ जाने कोरोना संक्रमितके मृत्यु हुइल अस्पताल जनैले बा । मृत्यु हुइनामे बाजुराके स्वामीकार्तिक गाउँपालिका–९ के ५५ वर्षिय पुरुष रहल बटैं ।